Internet Telugu Magazine for the month of 7/2016/27

ఓం శ్రీ రాం  ఓం శ్రీ రాం  ఓం శ్రీ రాం 

ప్రాంజలి ప్రభ - కవిత్వ ప్రభ 

సర్వేజనా సుఖినోభవంతు

* "స్త్రీ "- " ప్రకృతి "

తన్ను తనే మర్చి పోతుంది
ప్రకృతి సౌందర్యానికి పరవశించి
మాటలతో మతి పోగొడుతుంది

అలలపై తేలుతున్న పడవల్లా  
నీటిపై తేలుతున్న పువ్వుల్లా
దండ పెరిగి రాలుతున్న ముత్యాల్లా
గల గల మాట్లాడుతుంది

మొహమాట పడలేదెప్పుడు
మనస్పూర్తిగా మాట్లాడుతుంది
మమతానురాగాలు కోరుకుంటుందెప్పుడు
గలగలా నవ్వుతూ పని చేస్తుంది    

వీరందరు నావారు అనుకుంటుంది
వీరికి సేవచేయుటయే ఈ జన్మకు సార్ధకం
తనమనసులోకి ఎప్పుడు రానీయదు స్వార్ధం
అనుకుంటుంది దేవుడిచ్చిన సుఖమే పరమార్ధం

ఎవరు ఎన్ని అనుకున్నా
తను చేయాలనుకున్నది చేస్తుంది
ఎవ్వరినీ నొప్పించక, భాధ పడక
ఆత్మ సౌందర్యముతో వెలిగి పోతుంది

సానపెట్టే వారు ఉంటే వజ్రములా మెరుస్తుంది
నస పెట్టె వారు ఉంటే  భద్రకాళిని గుర్తు చేస్తుంది
నవ్వుతూ పలకరిస్తే మనసును శాంతపరుస్తుంది
అందుకే "స్త్రీ - ప్రకృతి " ఒకరికి మించిన వారొకరు
అందుకే ప్రతి ఇంటా ఆరాధ్య దేవతలవుతారు      


తల్లి ప్రేమ

పిల్లల మనసు మధురాతి మధురం
కల్లాకపటం ఎరుగని చిలక పలుకులు పలుకున్
ఎల్లలు లేని గారాబంతో పెరుగు చుండున్
జల్లు చూసి సంతోషముతో గంతులు వేయున్

తల్లి తన్మయత్వం చెంది తపించి
తల్లడిల్లీ పిల్లలను దగ్గిర తీసుకొని హత్తుకొనున్
వళ్లంతా నిమిరి తడి తుడిచి సగటు
కలలు కంటూ తల్లి పిల్లలపై కారుణ్యము చూపున్

అల్లన దూరాన పిల్లలకు గాయం తగిలితే
కల్లోల మనస్సుతో తల్లి హృదయం తల్లడిళ్లున్
చల్లగాలిలో తిరగకుండా జాగర్త చూపి
జోలపాడి సంతోషముగా నిద్రపుచ్చు చుండున్

గల్లీల్లో కుక్కలున్నాయి పిల్లలు
కళ్ళల్లో కళ్ళుపెట్టి చూస్తే మీ జోలికి రావు
వళ్ళు దగ్గరపెట్టుకొని ఆడుకోండి
కళ్ళు తెరచి కుళ్లును తొలగించండి

తల్లికి పిల్లపై ఉండు హద్దులు లేని ప్రేమ
తుళ్లిపడక సహాయసహకారం అందించేది ప్రేమ
మళ్ళీ మళ్ళీ పిల్లలకు సహాయ పడేది అమ్మప్రేమ
తల్లి ప్రేమను మించినది మారే ప్రేమలేదు ఈ జగతిలో

--((*))--

*పండ్లు అమ్మే పాప  కధ

తట్టలో పండ్లు  తెచ్చి ఆమ్మే పాప

మట్టముగా మతిపోయేటట్లు నడుస్తున్న పాప

వాటంగా వాలుచూపు విసీరుతున్న పాప

ఎటో చూస్తున్నట్లు నటిస్తూ అమ్ముతున్న పాప

దట్టమైన ఎదపొంగులు గల పాప

అట్లా కదిలిస్తూ వయసును చూపిస్తున్నపాప

కట్టలు తెంచుకున్న నదిలా పాప

ఎట్లాగైనా త్వరగా పండ్లు అమ్మాలనుకుంది పాప

తట్టబరువు తగ్గించుకోదలచిన పాప

తట్టి తలుపు తట్టి తల్లులకు పండ్లు అమ్మే పాప

తట్ట పండ్లు అమ్మిన సంతోషంతో పాప

నాట్యమాడుతూ,,పాటపాడుతూ వెళ్లిన పాప

మట్టిని నమ్ముకున్న వయ్యారి పాప

కట్టిన తాళి పదిలంగా భర్తను రక్షించుకున్న పాప

గట్టి రోగానికి మందిప్పించిన పాప 

గుండెధైర్యముతో భర్తను రక్షించుకుంటూన్న పాప

పట్టుదలే బ్రతుకుని నడిపిస్తుంది

శ్రమ శక్తే ఎంతటి రోగానైనా హారిస్తుంది

ధర్మంతప్పక ప్రవర్తిస్తే సుఖమవుతుంది

కాన్సర్ రోగిని బ్రతికించాలన్న పాప కధ ఇది

--((*))--

*మూగ ప్రేమలు

ఒక్క క్షణం ఆగుదాం

నిరీక్షణలో ఉన్నది ప్రేమ

ప్రేమ లేఖలు రాసుకుందాం

లేఖల అర్ధం లోనే ఉంది ప్రేమ

ఫేసుబుక్కులో కలుద్దాం

అంతర్జాలంలో ఉంది ప్రేమ

కార్యాచరణ స్పర్శలు చేద్దాం

స్పర్శల్లో ఉండేది ప్రేమ

పెదాలు పెనవేతలు చూద్దాం

ఆధరామృతములో ఉంది ప్రేమ

దూరంగా ఉండి జీవిద్దాం

గతం గుర్తుకు తెచ్చేది ప్రేమ

గాలి స్పర్శతో సంతోష పడదాం 

గాలి తాకి తన్మయపరిచే ప్రేమ

విశ్వములో దొరకనిదేదో వెదుకుదాం

అదే పొందలేని నిజమైన ప్రేమ

మనో స్థలనాలతో బ్రతుకుదాం

హృదయస్పందనల్తో జయించే ప్రేమ

సంతోషాన్ని వెతుకుందాం

సేవాదృక్పదంతో పంచుదాం ప్రేమ

ప్రకృతిని ప్రేమిద్దాం

ప్రకృతి వనరులను పంచుదాం

జీవరాసులు ప్రేమిద్దాం

ప్రేమను పంచి ప్రేమతో జీవిద్దాం  

--((*))--
 

*కోలాటాలు

గడసు నడక సాగా

మనసు తలపు రాగా

సొగసు వలపు పాగా

జెలసి  పెరిగె  బాగా

చల్లని భయము వద్దే

వెచ్చని కౌగిలి హద్దే

మక్కువ కలిగే ముద్దే

మాయకు వయసు సర్దే

కలసి మెలసి తేలే

అలుపు అలక ఆరే

ఆమె అతనిని చేరే

అతని కోరిక తీరే

  

సరస నగవు పంచే

మడత మాటలు తుంచే

నటన నడకలు మానే

మాటలు ఎసరు ఆగే 

మనసుల కలయిక

మమతల వలయిక

తనువుల తపనిక

కోలాటాలు ఆటయిక  
--((*))-- 

*నలుపు - తెలుపు

నలుపు వికృతి -తెలుపు ప్రకృతి
నలుపు ప్రశ్నలు - తెలుపు జవాబులు
నలుపు రూపాలు -తెలుపు అద్దాలు

నలుపు సృష్టి - తెలుపు ప్రతిసృష్టి
నలుపు విద్యుత్తు - తెలుపు వెలుగు
నలుపు భర్త - తెలుపు భార్య
నలుపు నీళ్ళు - తెలుపు పాలు

నలుపు నటనలో కానరాదు
తెలుపు తెల్లమొఖం వేసుకుంటూ కనబడు
నలుపు తొలివలపు కుసుమం
తెలుపు మది తళపుల మర్మం

నలుపు తలపుల వలపు
తెలుపు హృదయాల స్పందన
నలుపు ప్రతిబింబాలు మాయ
తెలుపు కిరణాలతో మనో మాయ

నలుపు ఉశ్చాస, నిస్వాశాల మయం
తెలుపు ఆశా పాశాల మాయం
నలుపు ఆకలి ఆరాటాలు మయం
తెలుపు వాంఛల వెంపర్లాటల మయం
నలుపు దయ కరుణ త్యాగాల మయం
తెలుపు దుర్గన్ధమ్ దుర్మాగాల మయం

నలుపు స్వాభిమానం -తెలుపు దురహంకారం
నలుపు మౌనానికి మార్గం -తెలుపు అధికారానికి దర్పం

నలుపు తెలుపు పావుల ఆట చదరంగం
భార్య భర్తల బంధం యుగ ధర్మం
మంచి చేడు కలయికే కలియుగ జీవితం
నలుపు తెలుపు గళ్ళల్లో ఆట చదరంగం
పావుల కదలిక అర్ధం మాయ మర్మం
స్త్రీ, పురుషుల (తెలుపు నలుపు) కలయిక
కలియుగంలో సంసార చదరంగం
--((*))--

 ఎవరు రాశారో తెలీదు, కానీ చాలా బాగుంది.
ఒక్కసారి చదవండి - రచయితని గుర్తించండి 

మంత్రికి తెలివుండాలి,
బంటుకి భక్తుండాలి...
గుర్రానికి వేగముండాలి
ఏనుగుకి బలముండాలి...

సేనాధిపతికి వ్యూహముండాలి,
సైనికుడికి తెగింపుండాలి...
యుద్ధం నెగ్గాలంటే,వీళ్ళందరి వెనుక
కసి వున్న ఒక రాజుండాలి!

మనందరిలో ఒక రాజుంటాడు...
కానీ మనమే, రాజులా ఆలోచించడం
ఎప్పుడో ఆపేశాం!

"మన కసి - అడవులని చీల్చయినా సరే,
సముద్రాలని కోసయినా సరే,
కొత్త దారులు కనుక్కోగలదు" అని మనకి తెలుసు.
అయినా, భయానికి బానిసయ్యాం.
ఓటమికి తలొంచేసాం !

చరిత్రలో, చాలా మంది రాజులు...

ఓడిపోయారు,
పారిపోయారు,
దాక్కున్నారు,
దాసోహమయ్యారు.

కానీ కొందరే, అన్నీ పోగొట్టుకున్నా
కసితో మళ్ళీ తిరిగొచ్చి యుద్ధం చేశారు.
'రాజంటే స్థానం కాదు, రాజంటే స్థాయి' అని
నిరూపించారు.

డబ్బొచ్చినా పోయినా వ్యక్తిత్వం కోల్పోకు...
రాజ్యాలున్నా చేజారినా రాజసం కోల్పోకు...

రాజంటే కిరీటం ,కోట ,పరివారం కాదు,
రాజంటే ధైర్యం...
రాజంటే  ధర్మం...
రాజంటే  యుద్ధం...!

ఒకరోజు  విందుభోజనం చేస్తావు,
ఇంకోరోజు అడుక్కుతింటావు
- పాండవుల్లా...!

ఒక రాత్రి బంగారు దుప్పటి
కప్పుకుంటావు,
మరో రాత్రి చలికి వణికిపోతావు
- శ్రీరాముడిలా...!

ఎత్తు నుండి నేర్చుకో,   లోతు నుండి నేర్చుకో...
రెండింటి నుండి  ఎంతో కొంత తీసుకో...!

రాజంటే స్టానం కాదు
రాజంటే స్థాయి...

స్థానం - భౌతికం,
కళ్ళకు కనపడుతుంది.
స్థాయి - మానసికం,
మనసుకు తెలుస్తుంది...!

మనందరిలో ఒక రాజుంటాడు...
బ్రతికిస్తావో, చంపేసుకుంటావో నీ ఇష్టం!

--((*))--

*జంతికలు 

పోయే జీవికి తెలివి ఎక్కువ

ఆరే  దీపానికి వెలు గెక్కువ

చదువు లేనివాడికి

మిడిసి పాటు ఎక్కువ

నాయకులకు  రహస్యాలఫై మక్కువ

పొద్దునిల బడితే పనికి చేరు

పొద్దుపొడిస్తే కూటికి చేరు

పొద్దు వాలితే గూటికి చేరు

పొద్దే కాలమానం చెప్పే తీరు

చుక్క పడనిదే మొలకెత్తదు మొక్క

మొక్క ఎదగందే రైతుకు ఆడదు రెక్క

రెక్క ఆడందే  నిండదు డొక్క

డొక్కాడుటకు తిండి పెట్టు అక్క

స్వార్ధం అవినీతికి కొమ్ము

సాయం మానవతకు దమ్ము

స్నేహం విడువకుండా నమ్ము

కష్ట పడితే వచ్చెది సొమ్ము

రాజకీయం చినుగుల బొంత

రాబడి తాను దోచుకున్నంత

ముచ్చట్లలో ఆడవారి సంత

మొగవారుచూస్తే అదొక వింత

మనసు చేష్టలను ఆపలేరు

చేతి వాటాన్ని ఆపలేరు

గాలిలో విమానం ఆపలేరు

వితండ వాదులకు చెప్పలేరు

కూటికోసం చేస్తారు అప్పులు

కోట్ల కోసం చూస్తారు తిప్పలు

పరీక్ష కోసం ఇస్తారు స్లిప్పులు

ఓట్ల కోసం ఇస్తారు కప్పులు

భార్యకు కడతాడు భర్త తాళి

భర్త చేస్తాడు భార్యను ఎగతాళి

భార్య చూపిస్తుంది వైకుంఠపాళి

భార్య భర్తల మద్య ఉండదు ఖాళి

కడుపు లో పిల్లలపై దిగులు

గుండె లో పిల్లలపై   గుబులు

వంటి లో ఆరని ఆరాటాలు

కంటి లో కనబడిని జలాలు

ఉన్మాది ఎప్పుడు వేదిస్తాడు

వివేకి ఎప్పుడు సాధిస్తాడు

సన్యాసి ఎప్పుడు ప్రార్థిసాడు

వ్యాపారి ఎప్పుడు లెక్కేస్తాడు

పిల్ల నచ్చితే ప్రేమిస్తాడు

పువ్వు నచ్చితే తెంపేస్తాడు

లాభం వచ్చితే  గంతేస్తాడు

కోపం వచ్చితే నాట్యమాడుతాడు    

    --((*))--

*సర్వేజనా సుఖోనోభవంతు

నేనొక పరిచితుడ్ని
నేను అందరికి ఉపయోగ పడాలని ఆశించిన వాడ్ని
ఏ భాగము కావాలన్నా నన్నుకలవండి
నాపేరే డొనేట్ బ్యాంక్
ఆత్మ సంతృప్తి - ఉండు ఈ అవయవ దానంలో

ఇప్పుడు నేను రక్తదానం చేస్తున్నాను
వేరొకరి నుదుటి సింధూరమ్ రక్షించిన వాడను
నాలో ఉన్న ఉడుకు రక్తం వేరొకరికి
అరుణ కిరణాలుగా శరీరంలో కలసి
నటువంటి త్రుప్తినేను మరువలేకున్నాను

నేను ఇప్పుడు కళ్ళు దానం చేయాలనుకున్నాను
ఈ కళ్ళతో ప్రకృతి సౌందర్యాలను చూసి
వెరొకరికి ఆనంద బాష్పాలను పంచాలనుకున్నాను
కళ్ళులేని వారికికళ్ళు ఇచ్చి వారిగుండే
ఆనందాల సవ్వడి గా మారుతుందనుకున్నాను

నేను ఇప్పుడు కిడ్నిలు దానం చేయాలనుకున్నాను
మ్రుత్యువుతోపోరాడుతున్న వానికి మూత్ర పిండాలను
దానం చేసి ఆరోగ్యవంతుడుగా మార్చలను కున్నాను

నేను ఇప్పుడు గుండెనే దానం చేయాలనుకున్నాను
ఈగుండె వేరొకరి శరీరంలో ఉస్చాస నిస్చాసలను
అందిస్తూ ప్రాణాన్ని బ్రతికిన్చాలని ఓర్పుతో ఉన్నాను.

ఒక టేమిటి నా శరీర భాగాలన్నీ అణువణువును
ప్రతి ఒక్కరికి ధార పోయగలనని బ్రతికుండగానే
ప్రమాణ పత్రమును మీకు అందిస్తున్నాను

ఎవ్వరు నా ప్రయాణాన్ని ఆపకండి, సహాయమే
నాగుణం, ధర్మమే నామతం, బలమే నా ధైర్యం
నేను ఎప్పుడు అరోగ్యంగా ఉండి అందరికి
ఆదర్శంగా జీవించాలని అనుకుంటున్నాను
శవంగా మారనప్పుడు, కొన ఊపిరిలో లొ
ఉన్నప్పుడు శరీర భాగాలను అందించాలని
కోరుతూ నేను అందరినీ ప్రార్దిన్చుతున్నాను.
సర్వేజనా సుఖోనోభవంతు :
--((*))--