వాహిక -3

ఓం శ్రీ రామ్ - శ్రీ మాత్రేనమ:

ఓమనిషి తెలుసుకో 
అమ్మను ప్రార్ధించి జీవితాన్ని సరిదిద్దుకో 

త్రిమూర్తులను కన్న మాతృమూర్తి
లోకాలను ఆదుకుంటున్నదివ్యమూర్తి  
అక్షదామ, శుక, వారిజ, పుస్తక రమ్యమూర్తి 
నవరాత్రులలో పూజలందుకుంటున్న పెద్దమ్మ 

సృష్టి స్థితి లయకారులను జగత్తుకు అందించినఅమ్మ
అమ్మ ఒకనామము పఠించిన అమృతం పంచె అమ్మ 
దుష్ట శిక్షణ, శిష్ట రక్షణగా చేస్తున్న మహంకాళికామ్మ 
దివ్య కాంతితో శత్రుసంహారము చేసిన మహాలక్ష్మమమ్మ 

మహత్వ కవిత్వ పటుత్వ సంపదలను చేకూర్చే అమ్మ 
భక్తపాలనా, కరుణాంతరంగా వైభవాన్ని అందించే అమ్మ 
ఆధ్యాత్మిక భావనా శక్తి అఖండ దీప్తిని అందించే అమ్మ  
స్త్రీ శక్తి సమిష్టి చైతన్య స్వరూపమే అపరాజితగా అమ్మ 

ఇల్లాలి కాన కన్నీరొలికితే సిరి ఇంట నిలవదన్నది అమ్మ 
స్త్రీలను అగౌరపరచి, గృహలక్ష్మీని హింసిస్తే సహించదు అమ్మ 
హృదయాన్ని అర్పించి స్త్రీ పురుషులు ప్రార్ధించాలన్నది  అమ్మ 
దసరా పండుగ పరమార్ధం, చైతన్యాన్ని గ్రహించమన్నది అమ్మ             

ఓమనిషి తెలుసుకో 
అమ్మను ప్రార్ధించి జీవితాన్ని సరిదిద్దుకో 

అమ్మలు కన్న అమ్మలందరికి దసరా పండుగ సందర్భముగా శుభాకాంక్షలు 
ప్రాంజలి ప్రభను ఆదరిస్తూన్న తెలుగు ప్రపంచ ప్రజలందరికి శుభాకాంక్షలు
అందరి తరుఫున దుర్గామాతను ఆరాధిస్తూ దీవెనలను కోరుతున్నాను  
--((*))--

వాహిక -3 
ఓమనిషి తెలుసుకో 
తెలుసుకొని మసలుకో 

జీవించట మంటే తెలుసుకో 
నవ్వుతున్న పసిపాపను చూసి 
గాలికి ఊగుతున్న పువ్వుని చూసి
ఆకాశంలో ఎగురుతున్న పక్షిని చూసి 
ప్రకృతిలో సమస్తప్రాణుల జీవనం చూసి    

జీవించట మంటే తెలుసుకో
జీవన వనంలో ప్రేమను వికసింప చేసి
మనిషి మనిషిలో ఉన్న జీవితార్ధాన్ని చూసి 
విశ్వమనే ఊయలలో దేశానికి సేవలు చేసి 
సహజత్వంతో, పవిత్రతో సుఖాన్ని అందచేసి  

జీవన కళను వృద్ధి చేసి 
జీవనంలో ఉదాత్తత, ఔన్నత్యం చూపి 
ఆశయ లక్ష్యాన్ని అర్ధాన్ని చూపి 
ఆనంద సాగరంలో ఈదటమే జీవితం 

ఓమనిషి తెలుసుకో 

తెలుసుకొని మసలుకో