శ్రీమచ్చంకరాచార్య విరచిత శ్రీ సద్గురు పాదుకా స్తవము

శ్రీమచ్చంకరాచార్య విరచిత శ్రీ సద్గురు పాదుకా స్తవము

1) శ్లో|| శ్రీ సమంచిత మవ్యయం పరమ ప్రకాశ మగోచరం|
  భేద వర్జిత మప్రమేయ మనన్త మాద్య మకల్మషం||
  నిర్మలం నిగమాన్త మద్వయ మప్రతర్క్య మబోధకం|
  ప్రాతరేవహి మానసాంతర్భావయేత్‌ గురుపాదుకాం||

 2)శ్లో|| నాదబిన్దు కళాత్మకం దశనాద భేద వినోదకం|
  మంత్రరాజ విరాజితం నిజమండలాంతర భాసితం||
  పంచవర్ణ మఖండ మద్భుత మాదికారణ మచ్యుతం|
  ప్రాతరేవహి మానసాంతర్భావయేత్‌ గురుపాదుకాం||

 3)శ్లో|| వ్యోమ వద్బహిరన్తరస్థిత మక్షరం నిఖిలాత్మకం|
  కేవలం పరిశుద్ధ మేక మజన్మహి ప్రతి రూపకమ్‌||
       బ్రహ్మతత్త్వ వినిశ్చయం నిరతాను మోక్ష సుబోధకం|
  ప్రాతరేవహి మానసాంతర్భావయేత్‌ గురుపాదుకాం||

 4)శ్లో|| బుద్ధిరూప మబుద్ధికం త్రితయైక కూట నివాసినం|
  నిశ్చలం నిరత ప్రకాశక నిర్మలం నిజమూలకమ్‌||
  పశ్చిమాన్తర ఖేలనం నిజశుద్ధ సంయమి గోచరం|
  ప్రాతరేవహి మానసాంతర్భావయేత్‌ గురుపాదుకాం|| 

 5)శ్లో|| హృద్గతం విమలం మనోజ్ఞ విభాసితం పరమాణుకం|
  నీల మధ్య సునీల సన్నిభ మాది బిన్దు నిజాం శుకమ్‌||
  సూక్ష్మ కర్ణిక మధ్యమస్థిత విద్యుదాది విభాసితం|
  ప్రాతరేవహి మానసాంతర్భావయేత్‌ గురుపాదుకాం||

 6)శ్లో|| పంచ పంచ హృషీక దేహ మనశ్చతుష్క పరస్పరం|
  పంచభూత సకామ షట్క సవిూర శబ్ద ముఖేతరమ్‌||
  పంచ కోశ గుణత్రయాది సమస్త ధర్మ విలక్షణం|
  ప్రాతరేవహి మానసాంతర్భావయేత్‌ గురుపాదుకాం||

 7)శ్లో|| పంచ ముద్ర సులక్ష్య దర్శన భావమాత్ర నిరూపణం|
  విద్యుదాది ధగద్ధగిత్వ రుచిర్వినోద వివర్థనమ్‌||
  చిన్ముఖాన్తర వర్తినం విలసద్విలాస మమాయకం|
  ప్రాతరేవహి మానసాంతర్భావయేత్‌ గురుపాదుకాం||

 8)శ్లో|| పంచ వర్ణ రుచిర్విచిత్ర విశుద్ధ తత్త్వ విచారణం|
  చంద్ర సూర్య చిదగ్ని మండల మండితం ఘన చిన్మయం||
  చిత్కళా పరిపూర్ణ మంతర చిత్‌ సమాధి నిరీక్షణం|
  ప్రాతరేవహి మానసాంతర్భావయేత్‌ గురుపాదుకాం||

 9)శ్లో|| హంసచార మఖణ్డనాద మనేక వర్ణ మరూపకం|
  శబ్ద జాలమయం చరాచర జన్తు దేహ నివాసినమ్‌||
  చక్రరాజ మనాహతోద్భవ మేక వర్ణ మతః పరం|
  ప్రాతరేవహి మానసాంతర్భావయేత్‌ గురుపాదుకాం||                                  

 10)శ్లో|| జన్మకర్మ విలీన కారణ హేతుభూత మభూతకం|
  జన్మకర్మ నివారకం రుచి పూరకం భవతారకం||
  నామరూప వివర్జితం నిజ నాయకం శుభదాయకం|
  ప్రాతరేవహి మానసాంతర్భావయేత్‌ గురుపాదుకాం||

 11)శ్లో|| తప్తకాంచన దీప్యమాన మహాణు మాత్ర మరూపకం|
  చన్ద్రికాన్తర తారకైరవ ముజ్జ్వలం పరమాస్పదమ్‌||
  నీల నీరద మధ్యమస్థిత విద్యుదాది విభాసితం|
  ప్రాతరేవహి మానసాంతర్భావయేత్‌ గురుపాదుకాం||

 12)శ్లో|| స్థూల సూక్ష్మ సకారణాన్తర ఖేలనం పరిపాలనం|
  విశ్వతైజస ప్రాజ్ఞచేతస మన్తరాత్మ నిజాంశుకమ్‌||
  సర్వకారణ మీశ్వరం నిటలాన్తరాళ విహారకమ్‌|
  ప్రాతరేవహి మానసాంతర్భావయేత్‌ గురుపాదుకాం||
  
  ఇతి శ్రీమచ్చంకరాచార్య విరచిత శ్రీమద్గురు పాదుకాస్తవ స్సంపూర్ణం

--(())--