*కేవలాష్టకం*

*కేవలాష్టకం*

*(1)మధురం మధురేభ్యోఽపి, మంగళేభ్యోఽపి మంగళం |*

*పావనం పావనేభ్యోఽపి, హరేర్నామైవ కేవలమ్ ||*


*(2)ఆబ్రహ్మస్తంభపర్యంతం, సర్వం మాయామయం జగత్ |*

*సత్యం సత్యం పునః సత్యం, హరేర్నామైవ కేవలమ్ ||*


*(3)స గురుః స పితా చాపి, సా మాతా బాంధవోఽపి సః |*

*శిక్షయేచ్చేత్ సదా స్మర్తుం, హరేర్నామైవ కేవలమ్ ||*


*(4)నిశ్శ్వాసే న హి విశ్వాసః, కదా రుద్ధో భవిష్యతి |*

*కీర్తనీయమతో బాల్యాత్, హరేర్నామైవ కేవలమ్ ||*


*(5)హరిః సదా వసేత్ తత్ర, యత్ర భాగవతా జనాః |*

*గాయంతి భక్తిభావేన, హరేర్నామైవ కేవలమ్ || *


*(6)అహో దుఃఖం మహా దుఃఖం, దుఃఖాత్ దుఃఖతరం యతః |*

*కాచార్థం విస్మృతం రత్నం, హరేర్నామైవ కేవలమ్ ||*


*(7)దీయతాం దీయతాం కర్ణే, నీయతాం నీయతాం వచః |*

*గీయతాం గీయతాం నిత్యం, హరేర్నామైవ కేవలమ్ ||*


*(8)తృణీకృత్య జగత్సర్వం, రాజతే సకలోపరి |*

*చిదానందమయం శుద్ధం, హరేర్నామైవ కేవలం ||*

((()))

*శ్రీ రంగనాథాష్టక0

ఓంశ్రీమాత్రే నమః

1)ఆనందరూపే నిజబోధరూపే బ్రహ్మస్వరూపే శ్రుతిమూర్తిరూపే |

శశాంకరూపే రమణీయరూపే శ్రీరంగరూపే రమతాం మనో మే ||

2)కావేరితీరే కరుణా విలోలే మందారమూలే ధృత చారుకేలే |

దైత్యాంతకాలేఽఖిలలోకలీలే శ్రీరంగలీలే రమతాం మనో మే ||

3)లక్ష్మీనివాసే జగతాం నివాసే హృత్పద్మవాసే రవిబింబవాసే |

కృపానివాసే గుణవృందవాసే శ్రీరంగవాసే రమతాం మనో మే ||

4)బ్రహ్మాదివంద్యే జగదేకవంద్యే ముకుందవంద్యే సురనాథవంద్యే |

వ్యాసాదివంద్యే సనకాదివంద్యే శ్రీరంగవంద్యే రమతాం మనో మే ||

5)బ్రహ్మాదిరాజే గరుడాదిరాజే వైకుంఠరాజే సురరాజరాజే |

త్రైలోక్యరాజేఽఖిలలోకరాజే శ్రీరంగరాజే రమతాం మనో మే ||

6)అమోఘముద్రే పరిపూర్ణనిద్రే శ్రీయోగనిద్రే ససముద్రనిద్రే |

శ్రితైకభద్రే జగదేకనిద్రే శ్రీరంగభద్రే రమతాం మనో మే ||

7)సచిత్రశాయీ భుజగేంద్రశాయీ నందాంగశాయీ కమలాంగశాయీ |

క్షీరాబ్ధిశాయీ వటపత్రశాయీ శ్రీరంగశాయీ రమతాం మనో మే ||

8)ఇదం హి రంగం త్యజతామిహాంగం పునర్నశాంగం యది శాంగమేతి |

పాణౌ రథాంగం చరణేంబు కాంగం యానే విహంగం శయనే భుజంగమ్ ||

9)రంగనాథాష్టకం పుణ్యం ప్రాతరుత్థాయ యః పఠేత్ |

*సర్వాన్కామానవాప్నోతి రంగిసాయుజ్యమాప్నుయాత్ ||

---(()))--