21, నవంబర్ 2018, బుధవారం

(****))))


*ఆరాధ్య భక్తి లీ ల* 
రచయత: మల్లాప్రగడ రామకృష్ణ 
(01)
నాకు నీవు నీకు నేను, ఒకరికొకరం,  కలసిపోయే బంధమాయె 
ఏమి సోధ్యమో, ఏమి ఫలమో ఎఱుకలేను శ్రీ శ్రీ శ్రీ వేంకటేశా   
  
దండము పెట్టుట నావంతు - తప్పుల రక్షణ నీవంతు 
ధర్మము పల్కుట నావంతు - అర్ధము చెప్పుట నీవంతు   

కప్పము కట్టుట నావంతు - శక్తిని ఇచ్చుట నీవంతు 
దైవము కొల్చుట నావంతు - అల్పుని దీవెన నీవంతు  ---నా 

అండగ ఉండుట నావంతు  - బంధన ముక్తియు నీవంతు  
దాసుగ పండుట నావంతు - కర్తను గాచుట నీవంతు 

స్మరణ జొచ్చుట నావంతు - కర్మను తీర్చుట నీవంతు 
పూలతొ పూజించు నావంతు - సంపద పంచుట నీవంతు --- నా       

మోక్కులు తీర్చుట నావంతు - శాంతిని ఇచ్చుట నీవంతు  
కోరిక చెప్పుట  నావంతు - మాటను నిల్పుట నీవంతు 

దేశము రక్షణ నావంతు - ధైర్యము ఇచ్చుట నీవంతు 
ప్రేమను పంచుట నావంతు - సోఖ్యము ఇచ్చుట నీవంతు -- నా 

పరమపురుష శ్రీపతివి  పరిపూర్ణ లక్ష్మీ పతివి భక్తులకు పరమాత్మవి  
ఈర్ష్యలేని శ్రీ వెంకటేశ్వరుడివి మమ్ము ఆదుకొనే లోకపాలకుడివి 
నాకు నీవు నీకు---  నేను, ఒకరికొకరం,  కలసిపోయే బంధమాయె 
ఏమి సోధ్యమో, ఏమి ఫలమో ఎఱుకలేను  శ్రీ శ్రీ శ్రీ వేంకటేశా  

నమో నమో తిరుమల తిరుపతి శ్రీనివాస, గోవిందా గోవిందా గోవిందా  

--((**))--

కామెంట్‌లు లేవు:

కామెంట్‌ను పోస్ట్ చేయండి